قصة الحصان الذكى

اسهل حل ليس دائما افضل حل

شوية تسويق ...................!

دورك فى السوق ......................؟

توزيع الرزق بينى وبين الاخرين

القرار الحكيم

كل مهنة مهمة ........لا توجد مهنة حقيرة

ابسط فكرة >>> لماذا ينجح النصاب ؟

هذة الملاحظة المستمدة من خلق اللة وفطرة النسر >>> تعلمنا درس فى تربية الابناء

اكتسب خبرات باى ثمن حتى لو كان مؤلم >>>

الابتسامة الرقيقة و العلاقة الطيبة مع من حولنا هو استثمار ناجح دائما

>>>>>التسويق الشبكى - حقيقة ام نصب؟

سؤال من متابع >>> طب يا فندم كنت عاوز حضرتك تفيدني في موضوع شركات البيع المباشر و التسويق الشبكي بنسمع ان الشركات دي في الخارج بتحقق ارباح خيالية بالمليارات سنويا وبتساهم في تقوية اقتصاديات دول لكن عندنا في مصر لغاية دلوقتي مش عارفين هما نصابين و لا لأ ولو في وازاي نعرف نحكم على شركة بانها نصابة ولا محترمة ؟؟

صديقى (((التسويق المباشر))) هو نظام بيعى حقيقى يعتمد على مبدأ ((( فوز – فوز ))) او الفوز للجميع >>> لكن كالعادة بسبب ضعف القانون المصرى فى التطبيق وضعف الضمير جريا وراء القرش السهل من النصاب والمنصوب الية تم استغلالة كاداة نصب >>> لكن الحقيقة مش فى مصر فقط ولكن فى دول ثانية كثير تشابة حالتنا

فى بعض الاحيان يطلق كلمة ((( التسويق الشبكى ))) على نظام تسويق مباشر ولكن يبيع اشياء غير معتادة او اصناف باضعاف قيمتها الحقيقية 

لا تختلف مع فعلناة فى التسويق المباشر عن مافعلناة فى التيم شير / الكريديت كارد / التأمين >>> كلها طرق جديدة فى ادارة الاعمال دعمت اقتصاد بلادها – وفرت الاف الوظائف – وفرت هدر لاقتصاد البلد والفرد – اعطت ميزة تنافسية لداخلين الجدد للسوق 
طبعا فية شركات كثيرة تعمل بهذة الطريقة فى مصر مثل على سبيل المثال : ايفون ، اوريفلام ، ماى واى – مع احترامى لاى ملاحظات على طريقة عملهم – لكن فى الاخر هو نظام واضح ومفهوم ولا يتناقض مع العقل
نظام التسويق المباشر اعتمد على :
اختصر الوسطاء بين المصنع والمستهلك >>> قلل حلقات التجارة فلغى تاجر الجملة ونصف الجملة وحتى القطاعى
اصبح عضو الشبكة التسويقية = تاجر قطاعى لكن مركز على ماركة واحدة فقط – كل رأس مالة فى السلع بلا اى مصاريف اخرى للايجار وخلافة
مثال: اذا باع المصنع سلعة ش بمبلغ 50 جم من المصنع لتصل للمستهلك 100 جم فى نظام التسويق والبيع العادى >>>>>>>> ياتى ادارة المصنع تعتمد التسويق الشبكى وفى اغلب الاحيان تلغى النظام الاخر حتى لا يتعارض >>> تحدد مبلغ 85 جم بيع للمستهلك >>> وتخصص 35جم كارباح توزع على اعضاء الشبكة بالنظام الهرمى المعروف 
سؤال 1 >>> لية رخص المنتج 15جم كان ممكن يعطى الشبكة 50جم >>> لانة نظام ذكى >>> هو قلل كل المصاريف ولغى حلقات فى حين منافسة لم يفعل ذلك >>> اعطاؤة ميزة تنافسية للمستهلك يجعل المستهلك يقبل علية اكثر من منافسة مع المجهود الممتاز من اعضاء الشبكة يحقق وحدات بيع اكثر >>> مكسبة ليس فى الوحدة ولكن من كمية المباع
سؤال 2 >>> فى مصر بيحصل كدة >>> المفروض لكنى غير مطلع بشكل كافى يساعدنا المشتركين فى الحوار فى التعليق على هذة النقطة
سؤال 3 >>> لية الشكل الهرمى >>> كنت انا اروح المصنع اخذ ب50 جم ابيع حتى ب75 جم واعمل احلى فلوس >>> لانة لا يعتمد على الفهلوة >>> اى منظومة بيع لابد ان يكون لها هيكل ادارى >>> على سبيل المثال كل 5 بائعين لهم مشرف وكل 5 مشرفين لهم مدير وكل 5 مديرين لهم مدير منطقة .....وهكذا حتى مدير البيع >>> هو كل اللى عملة استبدل الموظفين باعضاء شبكة 
سؤال 4 >>> مهما كانت مرتبات الموظفين كان حيكسب اكثر لو شغلهم واخذ المكسب كلة لوحدة >>> صحيح دة الفكر الفهلوى اعمل كل حاجة علشان اكسب كل المكسب والذى اثبت فشلة ان المشروع يستمر >>> فى العالم كلة التخصص سيد الموقف >>> هو لو عين 500 موظف مش ممكن يعرف يبيع زى ما يكون عندة 5000 عضو >>> وطبعا مش ممكن يعين 5000 موظف >>> وفى النهاية العضو باع كسب وكسب الشركة مابعش الشركة ماخسرتش حاجة
فى عالم ادارة الاعمال يسمى التسويق المباشر والتسويق الاليكترونى = التسويق الذكى لانة لا يستثمر الا فى المنتج وليس فية هدر

يا سلام يااولاد .........دة موضوع التسويق المباشر طلع حلو اهة امال اية اللى بيحصل بقاة؟؟؟؟؟؟؟؟؟؟؟؟؟؟؟؟؟ >>> الوجة الاسود للموضوع >>> وهو الذى يطلق علية ((( التسويق الشبكى )))
عجب النظام حبايبنا الفهلوية >>> قلك الناس بدل ما تتعب احنا نريحها >>> كل كام سنة تطلع شركة تبيع حاجة غريبة ب 50 ضعف ثمنها وتستغل رغبة الناس فى المكسب السريع السهل بلا مجهود >>> وتكون الرسالة واضحة خليك ذكى وسيبك من الناس اللى بتشتغل بتعب >>> هم يتعبوا ويجيبوا فلوس >>> وانت تضحك عليهم وتجبهلنا >>> وعلشان نتأكد انك حتعرف تشتغل >>> يلا اضحك على نفسك الاول وانصب على نفسك وحط فلوسك معانا >>> طبعا هم لا يقولوا كدة لكن اذا عرينا الموضوع نلاقية كدة >>> انا قعدت مع 6 شركات من دول على مر 15 سنة فاتوا >>> كلهم يقولوا احنا عارفين انك مش حتصدقنا بس دة حقيقة >>>> تقولوا ياعم  ازاى احط معاك 10000 جنية اشترى بها اسورة ثمنا 15 جنية وبعدين تدينى 4000 جنية كل شهر >>> يقولك تعبك ومجهودك 
يقولك تعبك ومجهودك >>> فى انك توقع ناس ثانى فى الفخ >>> وتفتكر حتبتدى بمين >>> طبعا اقرب الناس اليك >>> ومع الاسف تدمر كل علاقاتك لانك فى الاخر انت استعملت كل طاقتك فى توقيعهم >>> لانك بتحاول ترجع فلوسك >>> لازم تورط عدد اكبر 
فى السنين اللى فاتت كان فية شركة تعتمد على شكل هرمى بجناحين >>> لية لان لازم جناح حيبقى ضعيف ويقع >>> وانت مش حتاخذ ارباح الا بشغل الجناحين >>> شوفت انت الغلطان بقى انك ماقدرتش تورطلنا ناس اكثر >>> وتتلم الفلوس وينزف الاقتصاد الفردى والوطنى
وعضو الشبكة بعد ما اتعود ياخذ فلوس على (((المستريح ))) من شوية كلام >>> فقد الرغبة فى الشغل الحقيقة >>> حولنا الكثير من شبابنا لمحطمين فاقدين الامل او مشروع نصابين >>> لانة اتعلم ان الطريق يبدأ من ان تستولى على فلوس الناس الطماعين
تقولى الناس غالبانين >>> يا سيدى لو فية حاجة بتكسب المبالغ دية كلها >>> كان كل مليونيرات العالم اللى ناتعين قلبهم علشان مشروع ب15% مكسب >>> لموا فلوسهم وحطوها فى الشركات دية وقعدوا على القهوة يشيشوا ((( مستريحين )))
يقولك واحد الدولة بتحارب اى مشروع ناجح ينفع الشباب >>> الرد كانوا حيقعوا حيقعوا عند نقطة التشبع >>> اول ما يبتدى عدد الناس وكميات الفلوس اللى داخلة تقل >>>> وعدد الاعضاء اللى باخذوا الفائدة الشهرية ( فى الحقيقة اقساط من فلوسهم ) ضخم >>> تقع الشركة >>> لان شغلة معتمد على تنظيم لم الفلوس واعطاء المودعين جزء منها بلا اى استثمار حقيقى >>> ويرجع بعد كام سنة بفكرة جديدة لينصب على جيل جديد من الشباب

اصدقائى – فى النهاية – انا قصدت اوريكم الفرق بين الشغل الحقيقى فى نظام حقيقى بمميزاتة وعيوبة والفرق بين عمليات نصب تتنكر فى اسم عمليات تسويق – مع المقولة الشهير ((( النصاب ميقدرش يشتغل الا لما يلاقى طماع ))) وازد عليها مش عايز يشغل عقلة
 حمانا اللة وستر علينا وعلى اولادنا من الفكر المتسلق الذى يريد ان يحصد ولا يزرع – اسف حتى تعب الحصاد مش عايز – دة عايزك تزرع وتحصد وتجيب المشترى ولكن هو يقبض الفلوس – ربنا يرحمنا 

احملك بامانة انت اهل لها >>>
 قد ما ربنا انعم على بمعرفة وخبرة >>> لم ابخل بتمريرها الى اى انسان >>> فاذا استفدت من هذا المقال>>>
 ياريت نشجع الاخرين على المشاركة بالاسئلة مش مجرد لايك
شير البوست كما هو حتى يستفيد من اكبر قدر من الناس >>> ارجوك ان لا تغير فى المحتويات اى معلومة 
دعواتكم الصالحة لى ولاسرتى

اخطر موضوع >>> نبدأ تسويق ازاااااااااااااااااااااااااااااااااااى؟

كيف تختار مشروعك؟ اخر درس فى الموضوع

نأتى للسؤال المحير لماذا بعض انواع مشاريع لها ربح اعلى من مشاريع اخرى مع ان النوعين يستخدمون نفس رأس المال 
الاجابة ببساطة >>> لو فهمت (( دورة حياة المنتجات )) تفهم السبب

لهذا نحن لا ننادى فقط بتشجيع المشاريع الصغيرة ولكن المشاريع الفعالة والتى لها طلب فى السوق الان
وتعالو نفهم ما هى (( دورة حياة المنتجات ))

دورة حياة المنتج او الخدمة >>> تحدد اهمية المشروع ونسبة ربحيتة
ببساطة تتكون من 5 مراحل:
1- مرحلة الظهور >>> فكرة جديده >>> طلب قليل حت تثبت نفسها >>> لا ينصح فى الدخول فيها لشخص مبتداء حيث معدلات الخطورة فى فشل او نجاح الفكرة لا يتحملة سوى من لديهم خبرة
2- مرحلة الانتشار >>> افضل مرحلة للدخول وعمل مشروع فى المجال >>> لان الطلب من السوق اكثر من العرض >>> نسبة الارباح عالية وان مازال عدد العملاء قليل
3- مرحلة الازدهار >>> نقطة ممتازة كذلك لبدء المشروع لكن اقل من مرحلة الانتشار >>> لان الطلب فى السوق بدأ يتعادل مع المعروض >>> فتبدأ نسبة الربح تقل ولكن تعوض مع تزايد العملاء
4- مرحلة التشبع : لا ينصح بالبدء فى مشروع فيها >>> فالمعروض بدأ يكثر عن الطلب >>> فتتهاوى الاسعار ويقل جدا نسبة الربح وتزداد المنافسة شراسة ويبدأ حرق الاسعار
5- المرحلة الاخيرة الركود : ومفهوم طبعا انها نهاية دورة حيا المنتج فهو يموت لان الطلب علية قليل جدا

تعالوا ناخذ مثال واقعى
مثال واقعى = دورة حياة المنتج او الخدمة

لو حد فيكم كبير شوية يفتكر شريط الكاسيت
o ظهور >>> اول سبعينات
o انتشار >>> منتصف السبعينات
o ازدهار >>> ثمانينات حتى منتصف التسعينيات
o تشبع >>> حتى اخر 2005
o ركود >>> حتى 2010 
o 2015 >>> كام واحد فينا يستخدم شريط الكاسيت الان

ظهور السى دى كان اختراع
o ظهور >>> اول التسعينيات >>> غالى جدا 
o انتشار >>> منتصف التسعينيات
o ازدهار >>> 2000 - 2007
o تشبع >>>2007 - 2012
o ركود >>> بدأ من 2012

بدل السى دى >>> دى فى دى >>> فلاش ميمورى >>> كلاود
وهكذا دورة حياة المنتجات فهل يعقل الان ان يبدأ انسان بعمل مشروع محل كاسيت !!!

احملك بامانة انت لها >>>

قد ما ربنا انعم على بمعرفة وخبرة >>> لم ابخل بتمريرها الى اى انسان >>> فاذا استفدت من هذا المقال>>>

ياريت نشجع الاخرين على المشاركة بالاسئلة مش مجرد لايك
شير البوست كما هو حتى يستفيد من اكبر قدر من الناس >>> ارجوك ان لا تغير فى المحتويات اى معلومة
• دعواتكم الصالحة لى ولاسرتى

اهم عشر قوانين فى تجارة التجزئة اى اغلب انواع التجارة اليومية لاغلب الناس

اهم عشر قوانين فى تجارة التجزئة اى اغلب انواع التجارة اليومية لاغلب الناس - ارجوووووووووووووووا 
التركيز الشديد والاحتفاظ بها لانك ستحتاجها بشدة فى ادارة تجارتك حتى تكتسب الخبرة باذن اللة

العشر قواعد الذهبية لادارة تجارة تجزئة:
1- توفر البضاعة:

كل ما كان احتياج العميل عندك كل ما كسبت زبون
دائما احرص على ان احتياج الزبون عندك
لو مش عندك >>> اشترية من برة حتى لو من غير مكسب >>> سجلة عندك يكون عندك فى المستقبل
2- التشكيلة المثالية للبضاعة:

حاول تكثر من الانواعوالاصناف بكميات قليلة
حاول تكثر من الانواع اللى عليها سحب وخلى الكميات متوسطة
اشترى كمية قليلة من الانواع بسعر عالى افضل من كمية اكبر جملة بسعر اقل >>> افضل ان اكسب اقل بدل ما يتركن فلوسى فى بضاعة راكدة
3- اشترى بناء على معدلات السحب للصنف:

لابد من وجود تسجيل لكل عملية بيع وكل عملية شراء >>> تعرف العدد من المسحوب من كل صنف وكل حجم فى فترة محددة
اشترى بناء على هذة الارقام مهما كانت الاغراءات
مثال : بيعت من صنف ا عشر علب فى اسبوعين وانا باشترى كل اسبوع >>> اشترى 5 علب من ا فقط >>> طب ممكن يطلب منى اكثر من كدة >>> ممكن لكن بنسبة احتمال قد اية >>> على العموم اقدر اكملة من برة واخسر مكسب الشوية الزيادة >>> افضل ان اكسب اقل بدل ما يتركن فلوسى فى بضاعة راكدة
لا تنقاد وراء الانواع الرخيصة فتشترى منها كثير >>> راكد
اشترى الصنف اللى يباع فعليا وليس اللى علية عروض
4- المكسب الحقيقى عند الشراء اما مكسب البيع مكسب اضافى

اشترى باحسن سعر
اشترى من المكان المناسب فى الوقت المناسب
اتعب فى البحث عن احسن مصدر للبضاعة >>> من ياتى لغاية عندك >>> يفرض عليك سعرة >>> يعنى اقطع عيشة ؟ >>> ابدا بس تبقى عارف هو مزود قد اية مكسب ميضحكش عليك
مثال: لو اشتريت صنف ب 9 جنية علشان سعرة للجمهور 10 جنية >>> هوب لقيت المحل اللى جنبك بيبيعة ب 9 جنية >>> معنى كدة اية ؟ انة مابيكسب مش ممكن >>> معنى كدة انة اشتراة بسعر احسن >>> وانت ما لم تبحث عن احسن سعر >>> لو بحثت تلاقى بيتباع ب8 >>> يبقى حلو قوى كدة >>> ابيع بعشرة ( جنية من ان انا اشتريت كويس وجنية العادى المتحدد مكسب ) >>> ولو حصل منافسة يبقى عندى هامش اناور بة
5- رأس مالك لا يمس ولا تقرب لة :

رأس مال المشروع مثل الدم فى جسم الانسان >>> هل يعيش الانسان والدم يخررررررررر >>> مش ممكن >>> كذلك المشروع اذا تأأأأأأأأأأأأاكل راس المال
اعتبر فلوس رأس المال هى امانة عندك >>> وهى فعلا كدة هى بتاعة الشركة وهى شخصية اعتبارية >>> لا تستعملها فى اى شىء ثانى حتى فى الظروف الطارئة >>> اذا عملتها مرة فلن تتوقف
افضل طريقة تمنع تأكل راس المال >>> عند شراء كل صنف >>> حدد قيمة المكسب >>> سجلها فى قائمة ( طبعا الاكسل او البرامج المحاسبية تبقى ممتازة لكن الكراسة شغالة برضة ) >>> وعند نهاية اليوم >>> امام كل بيعة احسب ان كسبت كام بالضبط >>> اجمع كل الارقام >>> وافصل قيمة الفلوس لوحدها فى صندوق >>> صندوق اجمالى المكسب >>> والباقى فى صندوق رأس المال
مثال : انا بيعت 1000جم 15 صنف >>> مجموع ربحهم 200 >>> 200 جم تضاف صندوق اجمالى المكسب >>> و800 فى صندوق رأس المال
كل المصاريف والمرتبات وايضا مرتبك !!! يخرج من الصندوق صندوق اجمالى المكسب
كل المشتروات تخرج من صندوق رأس المال
ممكن اعمل الحساب دة على الورق بس اضع كل الفلوس فى مكان واحد >>> لا افضل هذا >>> الافضل مكانين لان العقل اللاواعى سيضع حاجز نفسى عليك ان ناخذ من صندوق لغير المخصص لة >>> ام مكان واحد الحاجز يقل ...........طبعا وبراحتك كل شيخ ولة طريقة
جدد قائمة المكسب مع كل فاتورة شراء لضبط النسب باستمرار
بعد كام شهر حتعرف متوسط مصاريفك الشهرية وتلاقى صندوق اجمالى المكسب فية فلوس اكثر من الاحتياج >>> تحول الزيادة كرقم مقفول لراس المال
مثال: متوسط بيع محل 1000 جنية >>> مجموع ربحهم 200 يوميا >>> اخر الشهر الصندوق بعد المصاريف والمرتبات فضل فية 250 ج >>> بعد اربع اشهر * 4 = 1000 ج >>> حولهم الى صندوق رأس المال
طب ما كان من الاول >>> احولهم كل شهر >>> لأ يحلو مينفعش لية؟؟؟ >>> لان لو الشهر اللى بعدة زادت المصاريف شوية >>> حتقولى حجيب منين - اكيد من صندوق رأس المال اللى انا لسة مزودة >>> ويخلط الشامى على المغربى >>> خليك دقيق فى تصرفاتك >>> فتتحول الى عادات حميدة >>> تضبط مصروفاتك وتزود راس مالك بشكل تلقائى وبدون مجهود اضافى
قانون عام راس المال الذى لن يزيد سنويا من 15% الى 20% >>> سيتأكل ويقل مع الوقت >>> لان معدلات التضخم تجعل البضاعة تزيد بنسب سنوية وانت نفسك تريد زيادة سنوية فى دخلك
6- الشكوك ممنوع تماما والاجل بورق رسمى وفى حدود:

لا مجال ابدا للبيع الشكوك او الاجل للافراد >>> يستنزف رأس مالك >>> تكسب على الورق فقط اما فى الحقيقة التأخير مع الديون المعدومة >>> تتحول الى خسائر كبيرة
طيب لو المشروع مبنى على الاجل >>> لازم تتاجر بفلوس زيادة عن احتياجك >>> ولو ممعاكش فلوس بالطريقة دية >>> لم تختار المشروع المناسب لك
الزبون حيهرب منى لانى كاش ويروح للشكوك >>> صحيح وبعد شوية حسابة حيتقل عند جارنا اللى بيبيع شكك ويبقى مش عايز يروحلوه عشان لا يسدد >>> يضطر يشترى منك كاش >>> بيعة واحدة كاش لة ابرك من 10 شكك
فى بعض انواع التوريد لا بد من اجل لفترة >>> ليها حسابتها لكن كقانون عام >>> لا تتاجر باكثر من 30% من رأس مالك فى الاجل وبورق رسمى مثل الشيك او غيرة
طبعا مش محتاجة كلام >>> اوعى ابدا تشترى اجل على الفاتورة وتشكك >>> كدة تبقى حطيت نفسك فى الكماشة صح
7- لا تنجرف وراء العروض والصفقات :

القليل المستمر خير من الكثير المتقطع
مشاريع التجزئة لا تفضل اخذ المخاطر العالية
تكتيف رأس المال فى بضاعة مهما كان مكسبها خسارة >>> انت تعتمد على سرعة دوران رأس المال وليس نسبة الربح
مثال : رأس مالك 10000 جم اتعرض عليك سلعة محروقة بخصم 30% مع انها فى الحقيقة تباع ب10% فقط >>> فرصة ممتازة حاكسب 3000 جم بدل 1000جم >>> لكن هذة الكمية حتتباع قطاعى عندى فى ست اشهر >>> يعنى 500 جم مكسب شهريا >>> طب لما كنت باشغل 10000 فى كل حاجة بمكسب 10% >>> كنت اعمل دورة شهريا >>> مكسب 1000جم شهريا >>>
اخونا انصح فى المثال الماضى >>> مش حيبعهم قطاعى حيبعهم جملة >>> طبعا مش ممكن حيكسبوا 30% لكن ممكن 5% مثلا >>> وهنا هو خسر 3 مرات * مرة لم يركز على طريقة بيعة وتشتت * اخذ مخاطرة لان ممكن البضاعة تاخذ وقت فى بيعها * وممكن يشربها اآآآآآآآآآآآ ى يخسر بشدة >>> لان هذا اسلوب تجارة الجملة ولها اسلوب
8- فلوسك مش فلوس المشروع >>> من فضلك حدد لنفسك مرتب:

طبعا انت لم تترك الوظيفة علشان مرتب ثابت >>> مفهوم وانا مقلتش كدة
لكن اقترح تأخذ مكسبك على مرحلتين : مرتب وارباح
مرتب ثابت يخرج شهريا ويزيد بنسبة التضخم السنوية او مع زيادة حجم المشروع سنويا
حدد لنفسك مستهدف مبيعات معين ( لانك المدير والموظف معا ) وحدد لنفسك حافز شهرى اذا حققتة ليكون ارباح
لاتنسى ان كل الارباح التى ستبقى فى الصندوق اجمالى المكسب ستزيد رأس مالك >>> مكسب حيجيب مكسب >>>>>>>جوووووووول ولا اروع!!!!!!!!!!!!
9- راقب الرواكد باستمرار :

الاصناف الراكدة - حتى لو كان تاريخ الصلاحية ممتد - تعتبر خسارة >>> انت تعتمد على سرعة دوران رأس المال وليس نسبة الربح
اذا اشتريت بحسب معدلات البيع كما شرحنا سابقا فى هذا الموضوع سيكون الراكد عندك بنسبة قليلة جدا
لكن لازم يكون فية راكد >>> لازم تراقبة باستمرار >>> اعمل علية عروض ، خصومات حتى بيعة بسعر شراؤة المهم سيلة ثانى >>> كل ما يقعد عنك بخسارة
الصنف الذى يركد >>> يفضل عدم الشراء منة ثانى والتقدير لك فى الاخر
مثال: صنف ثمنة 40 جنية وسعر البيع للجمهور 60 ج >>> قعد 4 شهور واتباع >>> اقسم 20جم على 4 >>> كسب فى الشهر 5 جنية >>> واحد ثانى عندة نفس الصنف لقاة راكد باعة بعد شهرين ب 40 جم واشترى مكانة صنف سريع الحركة ثمنة 40 جنية وسعر البيع للجمهور 60 ج >>> اتباع مرتين فى شهرين >>> اقسم 40جم على 4 اشهر ( اثنين راكد واثنين شغال ) >>> 10 جم >>> الثانى مع انة واجة الركود لكن لما اتصرف بسرعة كسب احسن والصنف لم يتلف عندة
10- ارضاء العميل والحفاظ علية هو رأس المال الحقيقى:

كن حريص على العميل - صادق معة - فالعميل يشعر بالصدق فى زمن عز فية الصادقين
بيع لة كما لو كنت تبيع لنفسك
حاول ان ترضية وتقنعة وتشرح لة ولكن لا تضغط علية وتغرية >>> فتكسب بيعة وتخسر عميل لما يكتشف انة اشترى تحت ضغط
ارضاء العميل لة حدود >>> المعقول >>> فلا يتمادى فى طلباتة وتوافقة >>> تخسر فى الاخر
لا توعد عميل بما لا تستطيع >>> افضل ان يزعل امك لن تعمل ما اراد >>> من ان يغضب لاحقا انك وعدتة ولم توفى
موضوع طويل نتكلم عنة لوحدة باذن ربنا
صديقى نحن فى زمن السرعة فلا شىء يبقى على حالة وما يكون مربح اليوم ليس بالضرورة مربح غدا ، من يتابع تطوير عملة ويبذل اقصى مجهود هو من الفائزين باذن ربنا

احملك بامانة انت لها >>>

قد ما ربنا انعم على بمعرفة وخبرة >>> لم ابخل بتمريرها الى اى انسان >>> فاذا استفدت من هذا المقال>>>

ياريت نشجع الاخرين على المشاركة بالاسئلة مش مجرد لايك
شير البوست كما هو حتى يستفيد من اكبر قدر من الناس >>> ارجوك ان لا تغير فى المحتويات اى معلومة
• دعواتكم الصالحة لى ولاسرتى

كيف تحافظ على عملك وتنمية فى سوق صعب متقلب؟

هل السوق صعب ؟
o الزبون قليل 
o لا يدفع جيدا 
o متعب وغير مريح 
o اغلى منتج باقل سعر 
o لا يوجد عمالة 
o الصينى مغرق الدنيا 
o منافسة كثيرة 
o اسباب اخرى كثير





حقائق السوق الحالى
o منافسة شديدة 
o كيانات ضخمة 
o تغير مستمر سريع 
o زيادة طلبات العميل امام ثبات المكسب 
o اغلبية تمثل قوة شرائية ضعيفة
o اقلية تمثل قوة شرائية قوية استهلاكية





الكثيرين يعملوا بتعب قليلون يعملوا بذكاء
اجتهد للتعلم كيف تعمل بذكاء >>> تنجز اكثر فى وقت اقل بنفس المجهود
ادوات النجاح فى السوق الصعب ؟؟؟
o وعود حقيقية 
o مهارة متقنة
o امانة
o حسن معاملة





بعض الادوات للنجاح فى السوق الصعب
1- الجودة القياسية >>> التوازن بين السعر والجودة
o كانز البيبسى وعصير القصب >>> ملايين الوحدات بنفس الشكل والطعم
o استمرارية الجودة >>> سمعة ممتازة
o اعرض 3 مستويات>>> عالى - متوسط - ضعيف
o كن امينا صادقا >>> ثقة العميل >>> زيادة العملاء
o لا توعد غير ما تسطيع ان تسلم
o ثبت نسبة الربح >>> لا تقيم الربح على حسب مستوى الزبون 
o اعمل حساباتك جيدا قبل ان تتفق مع الزبون



2- اعمل بشكل تعاونى مع الاخرين 
o عمل افكار متصلة فى الانتاج والادارة منفصلة مادية
o الاستفادة الاقتصادية من كل الموارد والامكانيات 
o التعاون يعظم المكاسب ويقلل حدة المنافسة 
o الاتحاد قوة وتوسيع الانتاج والبيع يحتاج قدرات الكثير معا 
o التعاون الحل لمواجهة سوق الكيانات الكبيرة والانتاج الغزير مسيطر 
o مشاكل التعاون اقل كثيرمن مشاكل الركود والفشل 
o هذة هى الوسيلة التى نمت بها الصين - الهند - ماليزيا .........

3- ادرس نجاح المنافسين - انقل عناصر نجاحة لعملك 
o دراسة طرق المنافسين الناجحين تعطى دروس فعالة
o لا تقلد المنافس >>> قلد طريقة نجاحة 
o التقليد >>> التجويد >>> التطوير >>> الابتكار
o ماهى الاسواق التى ينجحون فيها ؟ 
o من هم عملاءهم ؟ 
o ماهى الصفات المميزة لمنتجهم ؟ 
o ما هى نقاط القوة ؟

4- طبق استراتيجيات الفوز للجميع >>> فوز - فوز 
o كيف تحقق الفوز للعميل ؟
o كيف تحقق الفوز لمن يعمل معك؟
o كيف تحقق الفوز لمن يورد لك؟
o كيف تحقق الفوز لنفسك ؟
o اذا كسبت وحدك >>> لن يستمر احد يلعب معك
o اذا لم تسعى الى فوز - فوز >>> ستصل الى خسارة - خسارة 
o هذا الفكر يجعل الجميع يعمل لصالحك >>> يكسب معاك

5- لا تنتظر حتى ينقرض مجال عملك >>> البديل
o علامة الزوال = كساد - قلة الاحتياج - انعدام النمو
o فى اغلب الاحوال مجال عمل يحل مكان اخر 
o مثال : الموتوسيكل مكان الحصان - سوبر ماركت مكان البقالة 
o لا تترك مجال العمل حتى ينقرض بل استشرف عوامل الكساد 
o اذا كان المجال يتطور لابد من التطور معة
o ابدأ فى الاحلال مجال جديد مكان القديم 
o اترك منطقة الراحة >>> التجربة ستفيد ولن تضر

6- وسائل غير تقليدية - الاستفادة من عصر المعلومات 
o البيع على العينة >>> البيع قبل الانتاج والشراء
o شغل التعهيد >>> عمل شبكة بين القوة المنتجة والمصنع 
o وظف وسائل التواصل الاجتماعى لصالح شغلك
o فى خلال 3 سنوات >>> سيطرة التسويق الاليكترونى 
o استخدام وسائل البيع الاليكترونى
o تطوير المنتج من خلال استعراض الانترنت 
o الموبيل ورسائل الSMS وسائل فعالة فى التسويق

المسافة الفاصلة بين رزقك ورزق من يعمل معك

كيف تتحدث بثقة رائد الاعمال ؟

الثقة فى الحديث ليست فقط موهبة بل مهارة >>> الموهبة تولد مع الانسان وتشكل 20% تقريبا من قدرة الشخص >>> المهارة هى التمرين والتركيز على اكتساب القدرة على الحديث بثقة = 80% تقريبا

الحديث بثقة والتفاوض بذكاء سلاح نجاح اى رائد اعمال فى حياتة العملية فى السوق
التدريب المستمر >>> يوصلك لمستوى الاحترافية فى الحديث
خطوات بسيطة من اهمها:

1. رتب افكارك قبل اى اجتماع >>> ورقة صغيرة بالنقاط الاساسية 
2. تكلم بوضوح وببطء كي يفهمك من يسمعك ويستوعب ما تقول
3. بعد كل نقطة توقف لثوانى لتعطى المستمع فرصة استيعاب ما قلت او لأى تعليق >>> سكوتك يرغم مستمعك على التعليق >>> فتعرف الى اى جهة ستوجه باقى حديثك
4. اعطى مستمعك مساحة جيدة من الكلام >>> لا تقاطعة - لا تستفزة - لا تتريق على كلامة
5. تجنب المواضيع الفرعية التى لا علاقة لها بموضوعك
6. هذب نغمة صوتك - تكلم بصوت واضح غير عالى كى لا يكون مستفز ولا صوت منخفض فلا يسمعك المستمع 
7. استعمل تعابير وجهك وحركات يدك بهدوء وبشكل معبر يساعد اقناع مستمعك
8. ركز على النقاط الهامة فى الموضوع والتى تتوقع انها تهم مستمعك 
9. اصغى بتركيز شديد لما يقول >>> هذا هو ما يحتاجة او يخاف منة >>> جاوب على كل نقطة بشرح وافى >>> تأكد ان مستمعك مقتنع
10. لخص كل ما قلت فى نهاية الحديث >>> واكد على ما اتفقتم علية



اذا اتقنت هذة النقاط >>> تبدأ طريق النجاح كرجل اعمال ناجح

النجاح اهم ولا الفلوس؟ >>> يعنى النتيجة اهم ولا الطريقة؟

اهم ولا الفلوس؟

يعنى النتيجة اهم ولا الطريقة؟

بصراحة فى المجتمع المصرى اهم حاجة توصل لأية ؟ اهم حاجة المكسب ( طبعا بطريقة شريفة مش مختلفين) وكدة كدة النجاح يجى بعدين

ريادة الاعمال مش موافقة على الموضوع دة لسبب بسيط
كلنا عايزين النتيجة = الفلوس لـــــــــــــــــكن لازم نعرف الطريقة ونتقنها يعنى نعرف ((( سر الصنعة ))) 
لان مثلا لو فتحت محل فول فى مكان وسط المساكن وكسبت منه فى اليوم 100 جنية ، هوب بعد 4 اشهر فتح فى الشقة اللى قدامك شهر عقارى فبقى مكسبك اليومى 500 جنية ( يابختك ) ، تفتكر دة نجاح حقيقى ؟ 
لا دة مش نجاح دية نتيجة ممتازة فقط 
امال النجاح يتقاس ازاى ؟
يتقاس اذا اتنقل الشهر العقارى ( سبب الزيادة فى المكسب ) وفضل المحل يكسب مثلا 400 جنية >>> هنا اقدر اقول ان صاحب هذا المحل اتعلم يحافظ ويزود الزبون وعرف سر الصنعة 
واذا رجع المحل لل100 جنية يبقى مفيش نجاح >>> مجرد ظروف خارجية

سبب كلامى عن الطريقة والنتيجة >>> اننا كلنا افراز التعليم المصرى >>> هدفة النجاح فى الامتحان ( النتيجة ) وليس ان نتعلم شىء ( الطريقة) 
وغالبا كل انسان ايجـــــــــــــــــــــــــابى واكد ايجابى يريد ان يعمل مشروع يركز جدا على النتيجة ويعطى اهتمام قليل بالطريقة

طيب ومالة هو احنا نكرة المكسب >>> طبعا لأ
بس نبقى عارفين ان لو النتيجة كانت مكسب المشروع حيكمل ويستمر لغاية ما تواجهة مشاكل لا يعرف صاحب المشروع (طريقة حلها ) فيتوقف المكسب
ولو النتيجة خسارة >>> صاحب المشروع حيقفلة ومش ممكن يفكر يفتح مشروع ثانى >>> لانة منتظر نتيجة والنتيجة خسارة >>> اما من يعرف الطريقة سوف يعود ويقيم ويعرف سبب الخسارة فيتلافاها ويصلحها

ولكى اثبت لكم صحة كلامى انظر الى الصورة المرفقة ( منهج عمل مشروع صغير - 10 خطوات ) غالبا نحن ندخل على رقم 6 ان مكانش 7 على طول والباقى مش ضرورى او نعملة يسرع زى واجب المدرسة زمان

الحماس حلو لكن اذا درست مشاريع 10 مرات ووصلت انة مش مجدى افضل من ان تندفع وتنفذ مشروع تخسر فية مالك وفرصة نجاحك
ارجو من حضراتكم ان نبدأ معا فى دراسة اساسيات المشاريع الصغير ونفهم الطريقة والناس فى العالم بتكسب ازاى واطمنكم ان النتيجة والفلوس حتيجى حتيجى
انا راجل عصامى عملت كل شغلى ومشاريعى بتوفيق ربنا الاول وتعبى ثانيا 
فاللى انا كتبة علم لكن كمان تجربة شخصية 25 عام
لو عرفت الطريقة مهما كانت النتيجة حتكمل لغاية ما تكسب لكن لو اكتفيت بالنتيجة ...........النجاح والفشل فرصهم متساوية!!

شعار رجال الاعمال العصامين >>>تعلم صنع الساعات افضل من مجرد معرفة الوقت

قصة من التراث تهمنا اليوم جدااااااااا – تعرف مثل (( لية شايل عبد القادر على دماغك ؟))

بقولك كان عبد القادر واخوة عايشين فى بلد 
وعبد القادر دايما يشتكى ان حظ اخوة احسن منة معى انة مجتهد
فراح لحكيم القرية
الحكيم قال لة لان حظك يا عبد القادر موجود فى بلاد بعيدة نايم تحت شجرة >>> اذا سافرت لة وصحيتة بقيت احسن من اخوك بمراحل 
عرف عبد القادر المكان وعزم السفر وسافر >>> وبعد شوية تعب وقعد يريح >>> ظهر لة اسد جعان >>> قالة لازم اكلك >>>
فاستعطفة عبد القادر وحكالة هو مسافر لية >>> تركة الاسد يمشى على شرط >>> لما يقابل حظة يسألة على مشكلة الاسد >>> انة كل ما ياكل يحس بمغص شديد ميعرفش يتخلص منة >>> وافق عبد القادر على الشرط
ومشى ثانى يوم >>> قابل راجل عجوز وبنتة بيزرعوا فى ارضهم >>> تعبانين و هم يبكون >>> والارض مش بتنتج زرع >>> صعبوا علية فقال لهم >>>متزعلوش اول ما حقابل حظى حسألة على حل لمشكلتكم 
وبعد يومين فى طريقة لمقابلة حظة >>> دخل مدينة فقبض علية الحراس >>> افتكروة جاسوس واخذو عند الملك >>> فحكم علية الملك بالسجن >>> فاستعطفة عبد القادر وحكى لة هو مسافر لية >>> تركة الملك يمشى على شرط >>> لما يقابل حظة يسألة على مشكلة الملك >>> لية مع انة عندة كل حاجة هو على طول تعيس؟
المهم اخيرا وصل عبد القادر لحظة تحت الشجرة >>> صحاة وقعد يعاتبة انة نايم وسايبة يتعب من غير نتيجة كبيرة وغيرة حظهم مساعدهم >>>
فاعتذر حظ عبد القادر لة ووعدة انة حيساعدة ومش حينام ثانى وسألة عبد القادر الثلاث اسئلة واخذ اجابتهم ورجع فى طريقة مصدق وعد حظة
رجع عبد القادر للملك علشان يوفى بوعدة >>> قالة ياملك انت تعيس لانك امرأة فى زى رجل ولن ترى السعادة الا اذا تزوجت ملك وتحولتى الى ملكة >>> فردت الملكة علية >>> انت وفيت بما وعدت وبما انك انت الوحيد اللى عرفت السر >>> انا حتجوزك واخليك الملك >>> رد عليها عبد القادر >>> لأأأأأ انا رجعت اجاوبك كما وعدت لكن حظى وعدنى انة حيدينى احسن حاجة >>> علشان كدة انة حرجع واشوف النتيجة >>> وتركها ومشى !!!!!!!
وبعدين رجع بعد كدة عبد القادر فى سكتة للبنت وابوها العجوز >>> قالوهم افرحوا الارض ما بتنتجش زرع لان بها كنز كبير مدفون >>> طلعوة وانتم تبقوا اغنى الاغنياء >>> لما اتأكد الراجل العجوز من الكلام >>> عرض على عبد القادر مقاسمتة فى الكنز وزواجة من ابنتة >>>رد علية عبد القادر >>> لأأأأأ انا رجعت اجاوبك كما وعدت لكن حظى وعدنى انة حيدينى احسن حاجة >>> علشان كدة انة حرجع واشوف النتيجة >>> وتركة ومشى !!!!!!!
اخيرا رجع عبد القادر للاسد >>> قعد يحكيلة على كل حاجة مرت بة ومقابلتة مع كل الناس وكل الحكايات >>> وبعدين قالة انا وعدت وحاوفى >>> حظى قالى الاسد مش ممكن يخف من مرضة الا لما ياكل مخ اغبى واحد ممكن يقابلة >>> فقالة الاسد >>> وعدت ووفيت يا عبد القادر وبناء على ما حكيت لقيت دوائى عندك حاكل عقلك انت واخف لانى مش ممكن الاقى اغبى منك !!!!!!!!!!!!
علشان كدة دايما الفلاحين يقولك شايل عبد القادر لية على الشخص اللى شايل هموم الدنيا ولا يسعى لحلها

كثيرا ما تمر فرص الحياة امامنا >>> نتركها بلا بحث ولا دراسة >>> اذا قابلك باب >>> ليس بالضرورة ان تدخل من >>> لكن على الاقل افتحة انظر ما خلفة >>> حتى اذا تقدم بك العمر لا تندم على فرص ضائعة >>> منتظر فرص من نسيج احلامك قد لا تتحقق >>> اطلب دائما الممكن ولا تجرى وراء المستحيل

الطريقة الذكية فى بناء مشروع فى اربع مراحل وفى شريحة واحدة

يتحول المجهود والوقت >>> خبرة ومال2- الخبرة والمال >>> تملك عميل3- امتلكت العميل >>> عندك مشروع4- تبيع لعميلك وتجنى الارباح5- بالارباح تبنى مشروع فعال ومضمون النتيجة

المعوقات الذهنية - نظرية رجل الفيل المربوطة

فهمت وتاملت هذة الفكرة ستعرف لماذا انت خائف من اشياء ليست فى الواقع بل فى ذهنك ولو استخدمت قدرتك سوف تنجز وتحقق كل ما تحلم بة

خلى بالك >>> كثيرالنط قليل الصيد

امثالنا الشعبية مليئة بالغالى والثمين من الخبرات فى بعض الاحيان سلبية لكن فى الاغلب كنوز ايجابية

اتوقف كثيرا امام مثل كان يرددة كثيرا والدى - رحمة اللة - لمن يتكلم فى كل شىء ولا يفعل شىء

((( القط الكثير النط >>> قليل الصيد )))

بعض القطط تجدها تجرى
وراء اى شىء
فى أى وقت
وبلا اى هدف ، 
بعكس قطط اخرى تجدها تتربص وتتخفى بتحفز وتيقظ وتركيز على فريسة
فان حان الوقت المناسب للقنص تتم العملية بنجاح ويفوز كل مجتهد بالنتيجة

وحكمة المثل :
ما اهمية ان من يضيع الانسان وقتة فى مجهود بلا معنى وغير مفيد او مثمر ؟
لابد ان يحدد هدف واقعى - ممكن تتحقيقة - طموح >>>يدرس >>> يخطط >>>> ينفذ

صديقى العزيز 
الكلام والاحلام الغير واقعية >>> لا تحقق انجاز

انجاز حياتك = رغبة صادقة + هدف واضح + مجهود حقيقى

سؤال : "انا اصنع منتج بخامة ممتازة ولكن تاجر القطاعى يفضلون المنتج ذات الجودة الرديئة لانهم يكسبون منة افضل ، فهل اصنع منتج ردىء كى ابيع اكثر؟"

هذا السؤال الذى تكرر الاونة الاخير عن حق لانة يتعرض لمشكلة كبيرة 
(( انا اصنع منتج بخامة ممتازة ولكن تاجر القطاعى يفضلون المنتج ذات الجودة الرديئة لانهم يكسبون من افضل ، فهل كي ابيع اكثر اصنع منتج ردىء كى ابيع اكثر واتخلى عن الخامة الجيدة))

= طبعا الجزء الاول من السؤال حقيقة واقعة >>> ان البضاعة الرديئة تباع اكثر من خلال تاجر القطاعى لرخص سعرها علية >>> بمعنى ان غالبا الزبون بيشترى المنتج بنفس السعر سواء كان الخامة رديئة او جيدة >>> لكن التاجر بيكسب اكثر من البضاعة الرديئة فيفضلها فى البيع

والحل >>> 
1- امام المنتج حل سهل ولكن عمرة قصير واحتمال نجاحة ليس كبير >>> يصنع منتجة بالخامة الرديئة ويصبح مثلة مثل الاخرين ويقف فى طابور الموردين الى التاجر الذى يهمة فقط اجمالى مكسبة ولا يتم اطلاقا بالخامة >>> فاذا بعد وقت طلب منك ان تستخدم خامة ارداء من الرديئة >>> فسوف تستجيب لان هنا المحرك هو >>> الربح السريع وليس عمل السمعة والاسم التجارى الناجح

2- او امام المنتج الحل الثانى الذى يحقق نجاح مستمر لكن متعب بعض الشىء ويحتاج بعض الوقت >>> استراتجية تسويق ناجحة

a. عمل تغليف فاخر للمنتج بعلامة تجارية مميزة مكتوب علية بشكل بارز قيمة الخامة ومميزاتها لتميزة عن المنتج الردىء 
b. التركيز مع التجار باستمرار على ان تسويقهم لمنتجك صاحب الخامة الجيدة يدعم سمعتهم ويحافظ على تردد العميل عليهم >>> بعكس استخدامهم للصناف الرديئة
c. الحديث مع التاجر ليس كافى لكن خطوة اولى >>> لكن لابد ان يكون لة ميزة مضافة لتسويق منتجك >>> عمل عروض ترويجية للتاجر مثل قطعة بونص بلا قيمة على كل 10 قطع 
d. التوسع فى ايجاد عدد تجار كثير >>> تزيد فرص البيع والعملاء >>> يزيد حجم البيع 
e. عندما يزيد حجم الطلب >>> تشترى كمية خام ممتاز اكثر >>> ينخفض السعر مع الكمية >>> يقل فرق السعر بين الخام الردىء والخام الممتاز

باكثر من اسلوب يستطيع المنتج ان يسوق منتجة الجيد بدلا ان يتنازل وينجرف فيما يفعلة الاخريين >>> لان اذا كان الفرق فى السعر 10% او حتى 20% بين استخدام الخام الجيد مقارنة بالخام الردىء >>> يستطيع المنتج برفع حجم مبيعاتة بالتغلب على هذا الفارق

والقاعدة الاساسية:
المنتج الجيد ذات الجودة يثبت نفسة فى السوق ويبنى اسمة وسمعتة مع الزمن >>> بمرور الوقت وثبات الجودة >>> يطلبة الزبون بالاسم طالاما كان سعرة معقول ومناسب للجودة

فايها المنتج المحترم >>> لا تترك نفسك للجودة الرديئة ترغمك ان تتنازل عن جودتك الممتازة >>> بل اوجد الحل حتى تثبت نفسك فى السوق >>> تعبك وامانتك فى انتاج و تسويق منتج جيد >>> استثمار فى سمعتك للمستقبل

ولكل مجتهد نصيبجاءنى هذا السؤال الذى تكرر الاونة الاخير عن حق لانة يتعرض لمشكلة كبيرة 

(( انا اصنع منتج بخامة ممتازة ولكن تاجر القطاعى يفضلون المنتج ذات الجودة الرديئة لانهم يكسبون من افضل ، فهل كي ابيع اكثر اصنع منتج ردىء كى ابيع اكثر واتخلى عن الخامة الجيدة))

= طبعا الجزء الاول من السؤال حقيقة واقعة >>> ان البضاعة الرديئة تباع اكثر من خلال تاجر القطاعى لرخص سعرها علية >>> بمعنى ان غالبا الزبون بيشترى المنتج بنفس السعر سواء كان الخامة رديئة او جيدة >>> لكن التاجر بيكسب اكثر من البضاعة الرديئة فيفضلها فى البيع

والحل >>> 
1- امام المنتج حل سهل ولكن عمرة قصير واحتمال نجاحة ليس كبير >>> يصنع منتجة بالخامة الرديئة ويصبح مثلة مثل الاخرين ويقف فى طابور الموردين الى التاجر الذى يهمة فقط اجمالى مكسبة ولا يتم اطلاقا بالخامة >>> فاذا بعد وقت طلب منك ان تستخدم خامة ارداء من الرديئة >>> فسوف تستجيب لان هنا المحرك هو >>> الربح السريع وليس عمل السمعة والاسم التجارى الناجح

2- او امام المنتج الحل الثانى الذى يحقق نجاح مستمر لكن متعب بعض الشىء ويحتاج بعض الوقت >>> استراتجية تسويق ناجحة

a. عمل تغليف فاخر للمنتج بعلامة تجارية مميزة مكتوب علية بشكل بارز قيمة الخامة ومميزاتها لتميزة عن المنتج الردىء 
b. التركيز مع التجار باستمرار على ان تسويقهم لمنتجك صاحب الخامة الجيدة يدعم سمعتهم ويحافظ على تردد العميل عليهم >>> بعكس استخدامهم للصناف الرديئة
c. الحديث مع التاجر ليس كافى لكن خطوة اولى >>> لكن لابد ان يكون لة ميزة مضافة لتسويق منتجك >>> عمل عروض ترويجية للتاجر مثل قطعة بونص بلا قيمة على كل 10 قطع 
d. التوسع فى ايجاد عدد تجار كثير >>> تزيد فرص البيع والعملاء >>> يزيد حجم البيع 
e. عندما يزيد حجم الطلب >>> تشترى كمية خام ممتاز اكثر >>> ينخفض السعر مع الكمية >>> يقل فرق السعر بين الخام الردىء والخام الممتاز

باكثر من اسلوب يستطيع المنتج ان يسوق منتجة الجيد بدلا ان يتنازل وينجرف فيما يفعلة الاخريين >>> لان اذا كان الفرق فى السعر 10% او حتى 20% بين استخدام الخام الجيد مقارنة بالخام الردىء >>> يستطيع المنتج برفع حجم مبيعاتة بالتغلب على هذا الفارق

والقاعدة الاساسية:
المنتج الجيد ذات الجودة يثبت نفسة فى السوق ويبنى اسمة وسمعتة مع الزمن >>> بمرور الوقت وثبات الجودة >>> يطلبة الزبون بالاسم طالاما كان سعرة معقول ومناسب للجودة

فايها المنتج المحترم >>> لا تترك نفسك للجودة الرديئة ترغمك ان تتنازل عن جودتك الممتازة >>> بل اوجد الحل حتى تثبت نفسك فى السوق >>> تعبك وامانتك فى انتاج و تسويق منتج جيد >>> استثمار فى سمعتك للمستقبل

ولكل مجتهد نصيب

تقليد المشاريع

المسافة الامنة فى العلاقات الانسانية Safe Distance

فى الحياة لابد ان نقيم كل انسان نعرفة بحجم علاقتنا بة ونضع قواعد ومستوى للعلاقة لا نحيد عنة == > كانها مسافة ثابتة
فاذا حاول هذا الشخص ان يقرب هذة المسافة بدون تخطيط منك او رغبى == > تباعدنا قليلا للحفاظ على مستوى العلاقة 
واذا شعرنا ان هذة المسافة مع شخص اخر تبعدة عنا بعكس المقصود منها تقربنا منة بمعدل يحافظ على العلاقة دافئة ولا تفتر
مثال : اذا كنت تتصل باحد اصدقائك مرة اسبوعيا فوجدتة يتصل فى الوقت الاخير 4-5 مرات اسبوعيا على غير رغبتك فلا تتجاوب مع كل الاتصالات ورد العدد الذى يحافظ على مستوى العلاقة
اهمية هذا التكتيك فى جعلك انت المسيطر على علاقاتك بالاخرين 
فلا يقتحم حياتك اشخاص على غير رغبتك ويجبروك على اشياء من باب العشم فلا تستطيع المقاومة 
ولا تعيش فى وحدة منعزل عن من تريدهم فى حياتك
تستطيع فى اى وقت فى تعديل المسافة بينك وبين غيرك بتقريب المسافة او زيادتها بحسب رغبتك 
وكن انت دائما المراقب والمتحكم فى العلاقة

50 طريقة كى تكون مؤثر فى مجتمعك وتترك بصمة حقيقية

>>>>>>>
قرأت كتاب لرائدة اعمال ناجحة لولى دسكال احببت ان اشاركة معكم واستخلصت من ما شعرت انة هام واضفت علية بعض من خبرتى وقرأتى
تبدأ الكتابة بمقولة لغاندى " اذا اردت ان تجد نفسك وتفهمها فافضل طريقة انك تستفيد منها وتستخدمها فى خدمة الاخرين "
طبعا لا يمكن ان يجمع الانسان العادى كل هذة الطرق ويتقنها لكن اذا استخدمت من 5 الى 10 اساليب منهم كانت فعالة جدا فى جعلك محط انظار المحيطين بك واحترامهم وحبهم 
ومن خلال جمع الكثير مما كتب فى هدف ان تؤثر فى مجتمعك وتترك بصمة حقيقية – تجمع لك الكاتبة 50 طريقة بسيطة تؤكد الخبرة العملية للاجيال انها فعالة وناجحة جدا :
1- القانون الذهبى للعلاقات الانسانية >>> عامل الناس بالطريقة التى تحب ان يعاملوك بها 
2- دائما خطط لعمل علاقات فى الحياة تسعى للفوز للجميع (فوز – فوزwin win )
3- اكتسب مهارة حل المشاكل >>> واستخدمها فى حل الامور وليس تعقيدها
4- دائما كن مبادر >>> لا تأتى الى اى مقابلة او اجتماع الا وانت تحمل افكار وحلول جديدة
5- ادعوا دائما الناس الى المعانى السامية والاهداف النبيلة 
6- اعطى تقدير خاص للناس اللذين يضيفون لحياتك معنى حقيقى او خبرات ثمينة
7- ابتسم باستمرار >>> فهى مفتاح لكثير من الازمات 
8- احلم احلام عظيمة لك وللاخرين >>> احلم كيف تجعل الحياة افضل
9- حافظ دائما على روحك وتفكيرك الايجابى >>> انشرة فى محيطك
10- خبراتك ومعارفك >>> سجلها كتابة وارسلها لمن يهتم >>> الفائدة تعم 
11- شارك خبراتك ومعارفك >>> مشاركة العلم تزيدك وتنمى من حولك وبخلك بالعلم لن يزيدك شيئا 
12- عيش حياتك وطبق فكرك وتعلم من تجارب الاخرين >>> بين حدين الحكمة والصبر
13- كن صادق فى نياتك >>> صريح فى توجهاتك >>> قدم انت النيات الطيبة والعمل الجيد قبل ان تنتظر ماذا سيفعل الاخرين
14- لا تنتظر نتيجة عملك >>> يكفى انك مقتنع ومقدر نفسك >>> تقدير الاخرين قيمة اضافية وليست اساسية 
15- اجعل دائما مستوى ادأءك واهدافك عالية
16- اجعل دائما مستوى مشاركتك فى اى عمل اكثر مما ستجنية منة
17- كن دائما حاضرا لمساعدة من يحتاجك واعطية تركيز شديد >>> لا تتردد فى مساعدة الاخرين
18- قبل ان تقدم اى مساعدة >>> أسأل الشخص " كيف تريدنى ان أساعد ؟ " حتى تقدم المساعدة المطلوبة فعلا بدون افتراض منك وسيطرة
19- ابعد عن مصادر الخطر وساعد اخريين كذك
20- اعطى قبل ان يطلب منك >>> اعطى اذا وجدت مجال ودون طلب
21- اعطى لانك تريد ان تعطى >>> وليس من الواجب ان تعطى 
22- اذا طلب منك شخص مهمة >>> لا تقف عندها بل زد اذا كنت تستطيع 
23- تذكر اسماء من حولك واسماء ابنائهم وناديهم بها باستمرار >>> ليس اعز منهم لدى الانسان >>> تترك تأثير ساحر
24- دائما ابدأ حديثك باطراء من تحدثة >>> اذا مدحت من تحدثة عن حق وليس عن نفاق >>> فتحت قلبة وعقلة لحديثك
25- اصغى بتركيز ودع للاخرين مساحة ان يتكلموا >>> من يصغى بانصات وفاعلية >>> هو امير قلوب محيطة
26- دائما انظر فى عيون من تحدثة بصدق واهتمام 
27- اظهر احترامك فى حدود بلا مبالغة
28- تكلم مع الناس ولا تتكلم على الناس >>> كلمهم عن انفسهم لا عن نفسك
29- احتفل دائما بالمناسبات الخاصة واجعلها مصدر سعادة لك وللاخرين
30- اذا تواصلت مع احد >>> اختار المكان والزمان والطريقة المناسبة 
31- كن دائما فى ميعادك >>> تأخيرك الدائم ينقل رسالة للاخرين انك غير مهتم 
32- كن منفتحا لافكار الاخرين >>> اعطيهم فرصة للتعبير وناقشهم من اجل التوصل الى افكار حقيقية تنفذ >>> وليس من اجل احباطهم وصدهم
33- اذا كنت فى موقع القيادة >>> قد بشرف وامانة مهما كانت الصعوبات والتحديات
34- كن دائما السبب ان يشعر الشخص انة انسان ذو قيمة ولة امكانيات يستطيع ان يستخدمها >>> كن دائما السبب فى تفجير طاقات غيرك الذى لا يراها 
35- اذا تم انجاز >>> شارك الانجاز واظهر باستمرار من شارك فية >>> لا تحتكرة لنفسك
36- ركز دائما على نقاط القوة فى شخصة من حولك واجعلهم كذلك يرونها معك
37- اعطى الناس ثقتك >>> اعطى بحساب وحكمة 
38- التعليق الجيد الايجابى الذى يهدف الى تطوير وارتقاء العمل >>> قيمة غالية
39- فوض المسئوليات ولا تجمعها كلها فى يدك >>> حتى تنجح لابد ان تنجح بفريق عملك
40- اذا كنت تركز فى الاخطاء >>> من اجل تحسين العمل وليس من اجل العقاب >>> وعادل التأثير السلبى >>> فى التركيز كذلك على الايجابيات ومدحها
41- دائما حاول شرح وتوضيح الامور الغائبة عن الجميع وانت تعرفها 
42- لا تتكلم دائما عن العمل والمال >>> اعطى مساحة للتواصل الانسانى وبحساب وحكمة
43- اعطى الاخرين مهام وراقبهم ينفذوها تحت ارشادك 
44- جدد ثقتك فى من اخطاء >>> اعطية فرصة ثانية بشروط 
45- لا تحبط الناس ولا تقلل من شأنهم
46- دائما اعطى من احسن ما عندك 
47- دائما قابل الناس فى منتصف الطريق اذا كانت المشكلة قائمة بين وجهتى نظر 
48- اسعى دائما ان يكون لعملك قيمة مضافة وليس عمل تقليدى 
49- ابدأ ولا تتاخر >>> فالوقت لا ينتظر احد
50- عيش يومك كانة اخر يوم فى عمرك 
صديقى قد تكون مع الرأى الذى يقول ان هذة الطرق اصبحت بالية ولا تصلح لعصر لا يعلوا فية الا صوت المال والقوة ...............لكن تأمل لدقائق وانظر لنماذج البشر التى تحبها وتحترمها >>> ستجدها تمارس الكثير من هذة الاساليب وتنجح فى هذا العالم >>> وهذة هى القوة الناعمة الفعالة >>> لعطاء الانسان الايجابى الفعال

شراكة شخص فنى ( صنايعى ) مع شخص غير فنى - دراسة نسبة نجاحها وتنفيذها

فكرة مبسطة لأسس تكوين الشركات بين شركاء

لماذا الشركة؟
كيف اشارك؟
كيف نفكر فى الموضوع ؟
نقاط الضعف والقوة ؟
الفرص والتحديات ؟

قصة حقيقية >>> ضعفك فى اى تحدى و انسحابك >>> هو اهداء جائزتك للاخرين

قصة حقيقية

احذر ان تنسحب من مشروعك لئلا يكون الفوز الذى ينتظرك على بعد خطوة وانت لا تراة >>> يأخذة غيرك



كنا صديقين عزيزين فى الصغر ونتحدى بعض دائما كعادة الصغار

وكان التحدى فى يوم من الايام انة لن يستطيع فتح زجاجة المياة المثلجة عند خروجها من الثلاجة

( الغطاء المعدن ينكمش اكثر من الزجاج فيكون صعب فتحة - لم نكن نعرف هذة المعلومة فى حينها )

حاول صديقى مرات بكل قوتة ، مرات عديدة ان يدير الغطاء وبعد 10 مرات تعب ويأس وترك الزجاجة

اقدمت انا على الزجاجة والشك يملؤنى انى استطيع ان افتحها لان صديقى كان اقوى منى وفشل فى فتحها

ولكن بطبيعتى لا اترك فرصة الا واحاول فيها - ولا افترض ان افشل - بل احاول وكأنى نجحت فعلا

وبعد محاولتين - ويلا العجب - فتحتها بسهولة >>> وكانت مفاجأة لنا نحن الاثنين

وطبعا كانت صيحات النصر على صديقى والتقليل من قوتة وتعظيم انجازى >>>> لم نتوقف عند الاسباب حينها



اليوم - بعد حكمة الايام - ادرك اننى لم اتمكن ان افتح هذة الزجاجة بمجهودى وحدى

لكن حقيقة الامر ان قوة صديقى هى من حركت الغطاء 80% من قوتة ولكننا لم نشعر بها

فلما كملت انا ال20%  الباقية >>> اخذت انا كل النتيجة >>> وحصد صديقى الهزيمة

اذا فالعبرة بمن يكمل حتى النهاية وليس من يبذل المجهود الاكبر ويتركة للاخرين ليستمتعوا بنتائج ما بذلة



اليوم يا اصدقائى تذكرت هذة القصة بشدة عندما حكى لى احد المتابعين قصة كفاحة

هذا الرجل كان يخطط ان يعمل مشروع مخبز افرنجى

وكان يستهدف ان يفتح فى مدينة جديدة تبنى كى يحقق انجاز كبير

وفى بحثة عن المكان وجد فرن كامل للبيع  >>> صاحبة زهق من مكسبة القليل بعد سنتين شغل

يقول الرجل " درست المكان وشعرت بالفرصة وقررت ان اشترى المخبز , وبعد شهرين من العمل الجاد >>> بدات فى تحقيق مكاسب كبيرة >>> تخيلت ان هذا نتيجة شطارتى واجتهادى وتوفيق ربنا >>> وكل هذا كان صحيح لكن كان هناك سبب اخر >>> المخبز كان يعمل 8 ساعات فى اليوم لان صاحبة كان ساكن بعيد وانا لما اشتريتة وسكنت بجانبة اصبحت افتحة 14 ساعة >>> فقال لى العملاء بعد ذلك >>> فلان لم يصبر - سنتين فتح المخبز وكل ساكن جديد يأتى للمنطقة يعرف المخبز جيدا >>> لكن عند نزولة باكرا او فى الرجوع ليلا لا يجدة مفتوح فكان يشترى المخبوز من برة >>> انت لما فتحت من الصباح للمساء سهلت علينا المهمة >>> فعرفت هنا انى اخذت ثمرة شغل سنتين وشهرين وكملت على شغل الاخ الذى زهق وباع بدون ان يعالج الاسباب او يعرفها >>> واخذت نتيجة تعبة + تعبى >>> وهو خسر لانة باع كل شيء بالخسارة ولم يجازى شىء على تعب سنتين

نظرية السوستة المضغوطة – كيف تنطلق فى طريق مستقبلك؟

عندما كنا اطفال كان لدينا لعبة ظريفة - نفك الاقلام الجاف ونخرج السوستة لنلعب بها

كنا نضغط السوستة بين اصبعنا فتتحول السوستة ذات السنتيين الى نصف سنتى

فاذا تركناها كانت تنطلق لتنط الى امتار كثيرة بعيدة وكثيرا ما كنا نبحث عنها ولا نجدها لانها تنطلق بسرعة كبيرة



هذا بالضبط ما ينتظرنا فى الحياة حينما نقرر ان نبدأ فى الانطلاق فى مستقبلنا

لابد فى البداية ان نحضر انفسنا وندربها باكتساب الخبرات >>> وهذة مرحلة مثل السوستة فى مرحلة التراجع تحتاج الى قوة تعصرها وتتراجع وتنكمش >>> هنا الضغط يولد قوة >>> اصعب فترة فى الحياة >>> تنضغط فيتحول الضغط الى قوة

فى مرحلة الانطلاق >>> يفلت الضغط وتترك السوستة فتنطلق >>> هكذا نحن اذا حررنا انفسنا من الضغط بعد اكتساب الخبرة >>> تنطلق القوة الكامنة فينا >>> نحقق اضعاف ما كنا نتمنى تحقيقة



الصبر على الفترة الاولى هى ما تؤهلنا الى المرحلة الثانية >>> الصبر على التراجع والضغط هو ما يؤهلنا الى النجاح والانجاز

الحقائق والخرافات فى التفكير فى انشاء مشاريع

الحقائق والخرافات فى التفكير فى انشاء مشاريع

مناقشة حية للتعامل مع  الادعاءات والافتراضات  التى يتداولها الناس

قصص نجاح وتجارب حية بالتفاصيل  تؤكد  بالدليل ان كثير  الادعاءات والافتراضات التى يتداولها الناس غير حقيقية

اهم هذة الافتراضات الغير حقيقية:

1-    المشاريع  لا تنجح  الا بنسبة  قليلة جدا 

2-    المشاريع لا تربح الا نسبة قليلة من الربح

3-    المشاريع تحتاج رأس مال كبير لتبدأ

4-    المشاريع تحتاج  تسويق مكلف لان الانتاج لا يباع  

كيف نقدم افكار المشاريع الجديدة للمستثمرين والشركاء ؟

الكثير مننا لديهم افكار يتصورون انها افكار جبارة مربحة ولا تكرر ويخافون عليه من السرقة ويتخيلون انهم سيصبحون من خلالها من اصحاب الملايين

·        نفهم الموضوع >>> عوامل نجاح وفشل >>> كيف ننفذ ؟

·        كيف نتحدى الفكرة ؟ ونتأكد من حقيقتها وواقعية ومجدية   مع متخصص - خبير - تثق فية - مش مع نفسك لانك بتزاول نفسك لانك عايزها تطلع حقيقية ففى حكمك تحيز للفكرة

·        التأخير فى تنفيذ الفكرة ليس فى صالح احد >>> الخطوات العملية التنفيذة تنقذ الفكرة وتوضح حقيقتها



·        الاحتمالات

1-    فكرة حقيقية فعلا نسبة 5%

2-    فكرة مطورة عن فكرة حقيقية 15%

3-    فكرة منقولة ومقلدة نسبة 30%

4-    فكرة غير حقيقية وغير مجدية نسبة 50%



·        اى فكرة لها 3 مستويات للعرض

1-    مستوى عام

2-    مستوى تفصيلى

3-  مستوى تنفيذى



·         الفكرة لن تجد طريق للتنفيذ الا عن طريق العرض وعلى عدد كبير من الناس

·         كيف احمى الفكرة من السرقة لو هى حقيقية فعلا ؟

o       تسجيل الفكرة مطلوب للحماية القانونية طبعا وبرأءة الاختراع والعقود القانونية اساسى ولكن لن تحمى ولكن فقط قد تحفظ الحقوق

o       الفكرة حتى لو كانت حقيقية ونفذت وجاءت بالارباح فى وقت قصير سوف تقلد ولن تستطيع عمل شىء الا القضاء واذا كانت ابل وسامسونج  نفسها لم تستطع احتكار اختراعاتها

·        الحماية الحقيقية لاى فكرة هى حماية ذاتية فلا تكون مغرية لاى مستثمر ان يقلدها وتكون حققت منها ما تريد

o       تنفيذها فى اسرع وقت

o       باكبر كمية

o       باقل ربح

o       وباكبر شبكة موزعين



·        الفكرة تحمى تماما بفكرة اخرى فى دماغك تتلوا الفكرة الاولى  فتكون دماغك هى راس المال وليست الفكرة  وتستثمر ارباح الفكرة الاولى فى تنفيذ الفكرة الثانية فيتعاظم مكسبك  

مراحل عمل المشروع

دائرة النجاح

النجاح >>> هى طريقة الشخص الساعى لتطوير نفسة فى الوصول لاهدافة
1- تبدأ العملية بجلسات الشخص مع نفسة واخرين ومتخصصين لاكتشاف كل قدراتة ومواردة 
2- بناء على معرفة الشخص قدراتة وموارد >>> يستطيع الان ان يحدد هدف واقعى لحياتة 
3- ولان الهدف بالضرورة سيحتاج قدرات وموارد اكثر >>> فلابد ان الشخص يبدا فى عملية زيادة مواردة وتطوير قدراتة 
4- عند تجهيز الموارد اللازمة يبدأ الشخص فى تنفيذ ما خطط لة >>> ثم تقيم ما نفذة 
5- فيكون التقيم اجابى او سلبى تبعا اساسيات التقيم ( معاير القياس )المحددة سلفا 
6- فيكون القرار للشخص ان يعيد المحاولة مرة اخرى فيزيد من الاجابيات ويقلل من السلبيات اذا كان التقيم نجاح بنسبة 60%
7- او يكف عن العمل فى هذا الاتجاة يبدأ فى التفكير فى غيرة بحسب نتيجة التقيم اذا كان النتيجة اقل من 40%

انا عارف ان ممكن الموضوع يكون صعب شوية بس ضرورى جدا نفهمة فارجو اى احد عندة سؤال يطرحة

قصة حقيقية – من احد المتابعين – لكل مجتهد نصيب

واترك الحديث لة - واسمحوا لى ان انشر فقط الجزء الخاص بقصتة واشكرة على المقدمة التى وصفنى بها والتى لا استحقها



"عندما شاهدت الفيديو شعرت انك تحكى عن حياتى زى ما المفروض اعيشاها لكن مع الاسف تقريبا عملت كل الغلطات اللى حذرت ان منها،

انا حلاق رجالى ، اشتغلت فنرة فى منطقة راقية واصبحت علاقاتى ممتازة بزبائنى

مع الوقت حدث خلافات بينى وبين صاحب المحل فقررت ان افتح محل وحدى

كانت تجربة ليست سهلة لكن ساعدنى كثيرا دعم ربائنى لى ومساعدتهم بكل الطرق كى انجح

مع الوقت عرض على واحد من هؤلاء الزبائن ان اشاركة بالمحل

هو بكل التجهيزات وبالمحل وانا بالصنعة وكانت فرصة جيدة لى ان احقق حلمى ان يبقى عندى محل شيك

وطبعا انا لا احمل هم الرزق لان اللة هو من يرزق ولما نتشارك الرزق يجلنا احنا الاثنين

وفعلا عملنا المحل واشتغل كويس لكن تقريبا على رباينى فقط لانة فى مكان خفى عن الشارع

لم يكن فى المحل صنايعى غيرى وكنت اشتغل من 10 صباحا الى 12 مساء بلا كلل او زهق فية شغل او مفيش

لكن بعد كام سنة لقيت شريكى من غير مايقولى باع المحل بالنشاط

وفى يوم اتصدمت لما لقيت شخص بيقولى انا اشتريت المحل بيك

طبعا كان قدامى حل ان ماقعدش وامشى لان الطريقة كانت مهينة لكن انا دايما خدام لقمة عيشى

اقنعت نفسى ان الامور لم تتغير وما كان يحدث مع القديم يحدث مع الجديد لانى فى شغلى ودة همى الوحيد

استمرت الامور على الحال دة فترة وتغاضيت عن تصرفات صغيرة كى الامور تمشى

فى يوم فوجئت ان المالك الجديد قرر رفع اجرة الحلاقة للضعف فاعترضت لانى عارف زبونى لن يقبل بذلك

فصرخ فى وجهى - اللى مش عاجبة يمشى - وقررت انى امشى ورزقى على اللة

كانت الخناقة امام الزبائن والجيران

جلست افكر ومع كل من اعرف اين اجد محل ايجار بسرعة وخلال يومين لم اعرف فيهم طعم النوم

فى اليوم الثالث وجد احد الزبائن الذين حضروا الخناقة يزورنى

ويقولى لقيت محل؟ - فارد لم اجد لكن ححاول فى اى منطقة قريبة

فياخذنى من ذراعى الى خارج المحل لنقف امام السور للعمارة التى تجاور عمارة المحل القديم

ويقولى اية رأيك فى المكان دة

فارد مش فاهم - حشتغل على السور !!!

فيقولى - وراء هذا السور حجرة فى جراج وصاحب العمارة صاحبى وكلمتة علشانك، تكسر السور ويبقى عندك محل تمام

لم اصدق نفسى - لكن كانت حقيقة وربنا عمل معجزة مكنتش مصدقها

كنا داخلين على العيد وكان قرار انى امشى بعد الوقفة علشان منضيعش موسم الشغل على ولا على المحل القديم

يوم الوقفة صباحا لقيت المحل مقفول وحاجتى على سلم المحل - لم ينتظر حتى الموسم وقفل المحل - قفل باب رزق

تحملت الموقف بشجاعة وخاصة انى امامى مهمة شاقة فى تجهيز المحل الثانى

مريت بعشر ايام اشتغل انا والصنايعية فى تجهيز المحل حتى طبعا فى ايام العيد

والحمد اللة انا انهاردة فاتح المحل وهو قافل المحل القديم من يوم الوقفة مالقاش صنايعى وتقريبا مش حيعرف يفتحة ثانى

وعدل ربنا ما يسبش حد "



يييييييياة يا صديقى العزيز ، قصتك عظيمة وغريبة جدا لكن حقيقية لاننى رايت هذة المواقف كثيرا

ارفع لك القبعة على كفاحك ومجهودك واحترامك للقمة عيشك

اشجعك واساندك من اجل ان تحقق كل احلامك وطموحك

ولى اخيرا كلمة تعليقا على قصتك الشيقة

" كان ممكن ربنا يعوضك عن المحل وطريقة التعامل بمحل اخر ودة الطبيعى وشفناة كثير لان ربنا لا يرضى بالظلم ويعوض

لكن يا عزيزى العادل الجبار اراد ان يظهر قدرتة ويعلم مالك المحل الجديد الدرس المعروف من اجيال ((( اذا قفلت محل رزق فانت ترفص النعمة)))

انة اتبطر على النعمة وعلى الشغل وعلى الرزق فزال منة يا صديقى

ولم يعوضك عن الحدث فقط ولكن اعطاك محل الذى جانبة يفصلهم حائط ، هذا المحل الذى كان متخفى لا احد يعرف عنة شىء ولا انت نفسك، منتظرك لكى يكون مصدر رزقك

انها حكمة الاجيال التى تعلمنا (((( الطمع يقل ما جمع ----- ولكل مجتهد نصيب ))))

معادلة تكوين الثروات - الطريقة الحديثة لتكوين ثروة حقيقية - ج6 من 6

Ø      بناء الاستثمار بالديون

>>> سواء اموال بنوك - مرابحة - مشاركة بالمحاصة >>> كل حسب ما يريحة
رصيدك البنكى الاصول السائلة النقدية امام الديون >>>
هناك ديون جيدة وديون سيئة >>> اذا وضعت فلوسك فى البنك فانت تخسر بشكل يومى الفرق بين التضخم الذى يحدث فى السوق والانخفاض الذى يحدث للعملة مقابل الفائدة التى يقدمها لك البنك
البنك لن يقرضك ابدا مال الا على اصول ثابتة او حساب بنكى لة تاريخ ولة كمية حركة شهرية كبيرة على طول المدة >>>
فاذا اخذت القرض على اصلك الثابت قد تدفع فائدة علية 13% اذا كانت الفائدة على الودائع 10% >>>
فاذا كان الاصل يعطيك عائد حوالى 10% >>> فانت تدفع للبنك 3 % اكثر مما يدرة عليك >>>
لكن اذا اخذت قرض اخر واشتريت اصل ثابت اخر يدر 10% على الاقل >>> تصبح النتيجة انك تكسب 7 % اضافية بفلوس البنك والقرض
>>> وبعد سداد القرض يصبح دخل الاصل الثابت الثانى كلة لك >>>
الرائع فى الموضوع مع السنين ومع انخفاض العملة >>> تكتشف ان فرق الفلوس الذى دفعتها فى القرض كان هو فرق العملة فى الانخفاض
>>> يعنى كسبت من كل النواحى >>>
لذلك اسعد الناس بانخفاض قيمة العملة هم المقترضون الذين يشترون بقروضهم اصول ثابتة تدر دخل >>> لانة عندما يرد القرض يردة بنفس قيمتة >>> لان الفوائد الذى دفعها = فرق انخفاض العملة تقريبا >>> مع احتفاظ بقيمة اصلة ترتفع >>>
معنى ذلك انة اتعس الناس بانخفاض العملة هم من يوفرمالة فى البنك >>> كى تقترضها انت




Ø      الاستثمار واحتمالية الخسارة:

فى بعض الاحيان يتردد ان البعض عندما يستثمر فى بعض الاصول يخسر >>> هذة حقيقة ولكن باحتمالات قليلة واغلب الوقت تكون بسبب الاختيار الخطاء وخاصة فى بداية العمل نتيجة نقص الخبرة >>>
لكن فى كل الاحوال الافضل الاستثمار فى اصول مدرة للدخل مهما كان احتمال الخسارة >>> من الصرف فى اصول تستهلك اموال كمصاريف تشغيل او اقساط والخسارة فيها مؤكدة بلا احتمال للمكسب >>> شراء سيارة او رحلة مثلا
اذا كنت تتخيل ان التعليم مكلف فانظر كم يكلف الجهل ؟
من كل مائة شخص >>> شخص يصبح غنى
1:100 >>> صفقة من كل 100 صفقة تدرس تكون جيدة >>> بالممارسة >>> الدراسة لا تكلف وتكسب خبرة ويعطيك الذكاء المالى
9 من كل مشروع قد يفشل لكن نجاحك فى واحد يعوض الباقى
انت فشلت - انت لم تفشل بشكل كافى بعد - الفشل جزء من عملية النجاح
اذا كنت تخاف من الفشل >>> افشل بدرى وبمسئولية وبقدر تستطيع تحملة حتى تتعلم >>> تصبح اذكى


على لقاء فى ورش العمل الحقيقية حسب وعدى للمتابعين >>> تطبيقات عملية وعصف